Pastor Annka

July 14, 2024

Rev. John Za Thleng

HRUAINAK PHUN 3 ( ATANG, ALAI, ACUNG )

Upa sunday CE cawnpiaknak ah atawinak tein hi kong hi ka chim cang nain, tutan ah fiang deuh in van langhter ka duh than. “ High Road Leadership” catialtu John C. Maxwell nih hruainak kong ah cauk atial, cu atialmi cu chungkhar, khrihfabu, mibu rian kan I thithruainak ah aherh ngaingai mi le tulio kan ram, kan miphun zong ah, kan herh

taktak mi asi. Leadership hi ka zoh lengmang ve tikah lungput ( Mindset) bak hi a hrampi cu arak si. Cucaah zeibantuk hruainak styles kan va hman len hmanh ah, hruainak hi kan va thiam ngai hmanh ah, ahram foundation cu na lungput le ka lungput theo nih lai arak rel.Cucaah hruainak ah abiapi mi lungput 3 hi atanglei ah van langhter ka duh. Nang zeibantuk lungput hruainak hi dah na dirhmun asi ve?

The low Road Leadership( Atang I akalmi hruainak)

Selfishness , self-centeredness leadership ti zong ah an kawh. “ MAH LE MAH” caah tuan tikhi asi hnga. Asullam cu hi hruainak group pawl nih cun, an mah hruaitu an duhnak, amah hmuhnak, miaknak, minthatnak, thutden ( position, title), an mah minthat, lianghngannak caah rian an tuan, mah le mah I rianh khi asi. Cucaah mipi caah, kan ram caah, khrihfabu caah, Bawipa caah an ti ko nain, a donghnak an goal ( Target) cu an mah thiamthiam khi asi. Phundang cun an mah duhmi atlam atlinnak ding asi poah ah cun midang duhnak, midang ruahnak, midang an dirhmun an ruat loh. An mah duhmi a tlamtlinnak ding asi ko ah cun, midang harnak pek, midang thih, midang sungh le midang minchiat, midang ttah le ningzahter, midang mualphoh kha apoi ah an chia loh. Cucaah laikeng bantuk in an I thleng, ziathiam nun ( I nemter, I tither, I hrocer) an hmang, thluak lawng te in an I celh.

The Middle Road Leadership ( Alai I akalmi hruainak)

Fairness , give and take (mit caah ah mit, haa caah haa tibantuk) hruainak phun khi asi an ti. Cun transactional Leadership - mipakhat nih thil cawk kan kal tikah, kan duhmi ngahnak ding ah phaisa kan pek hna, cucaah an mah zong nih kan duh mi thil kha akan pek ve. An duh mi le na duh mi kha I thlen, I pek khi asi. Asullam cu hihi kan pek ve lai le khakha na ka pek ve lai. Kan dawt ah cun na ka dawt ve lai, kan thenh ah cun na ka thenh ve lai, Rethei ngai in kan hruai hna caah hihi, khakha nan ka pek ve lai, ka zawn nan ka ruah ve lai. Athlawn( alak) in asi awk asi loh. Hitluk har in ka tuan ve caah nan hruaitu, bawi, position, title, hmuhtheihmi , a miakhmai cu ka hmuh ve awk asi. Tutan cu kei mah caan, kei mah ka si ve awk asi timi phun asi. Na ka pek lo ah cun ka tuan kho loh ti he ai khat.

The High Road Leadership (Acung I akalmi hruainak)

Hi hruainak cu midang ca bak a ruat mi hruainak khi asi. Jesuh vawlei arat cu mi vialte nih nunnak kan hmuhnak hnga ca bak ah asi ko. Na hei zumh zong ah, zumh lo zong ah, nai pek zong ah le pek lo zong ah , na thangthat zong ah thangthat lo zong ah zeibantuk dirhmun I na va nun zong ah, Jesuh nih cun, amah lei in tuah hnga, dawthnga dingmi cu adih umek in an pek ko. Nangmah lei in ruahchanmi le hmuh te dingmi ruah ah ara loh, ai ruahchan mi cu nangmah thatnak, hlawknak, nunnak bak kha asi ko.Pinnacal Level an ti I, asullam cu na mipi an thatnak, an luatnak ca I nun khi asi. Mipi caah thatnak asi ko ah cun, aherh le rian I phuah / I dinh ngam. Sinak title, position kaltak ngam bak asi. Hruaimi ca thannak, hlawknak, miaknak, teinak, thanchonak caah, amah lei hmuhnak ca pakhat hmanh I ruahchan lo tein nun le tuan kha asi.

Hi acunglei hruainak 3 ( Low Road, Middle Road, High Road) hi fiangdeuh

in cuai van thlai ka duh.

ACUNG I AKALMI HRUAINAK THE HIGH ROAD	ALAI I AKALMI HRUAINAK THE MIDDLE ROAD	ATANG I AKALMI HRUAINAK THE LOW ROAD
Hruaitu nih a hruaimi mipi kha upat le hmaizahnak pek ai zuam zungzal.	Hruaitu nih zeitin dah, ka mipi nih an ka upat, an ka tihzah lai tikha ai zuam.	Ahohmanh, tihzah, upat,hmaizahnak pek ai tim loh.
Hruaitu nih , kan i khahnak, kan I lawhnak, rian kan tuanti khawhnak (unity focus) atuah.	An karlak ah adir.	Hruaitu nih I dannak, I lawh lonak, riantuan ti khawhlo nak lawng te an chuahpi.
GAP timi I dannak vampaang kha hlei donh an I tim.Tahchuhnak: Mino le upa hi kan kumkhua a dan nain kan kalti, kan um ti, kan tuanti khawhnak alam aum, kan tuanti kho ko timi akawl.	GAP timi I danning tein kal cio ding asi ko. Tahchunhnak: Mino le upa cu kumkhua kan I dan bantuk in, adang dang tein um, cawlcangh, kal si ko seh timi an dirhmun asi.	GAP Idannak nganter chin lengmang in kalpi aduh. Eg. Upa le mino kan I dan bak! Kan u, kan pale hna thiltuahmi le hruaimi hi awork loh, cucaah mino nih kan doh hna ahau, I thennak, kan pawnchuah hna an hau timi mindset an ngei.
Hruaitu nih zeitluk in dah ka hruaimi hna caah, zeidah ka pek khawh lai timi, peknak lam kha an kawl.	Hruaitu nih an ka dawt le ka dawt ve hna lai, na ka dawt lo le dawt ve lo , aleih nan theih le ka thei ve lai timi dirhmun in azoh hna.	Ahruaimi hna sin in, minthatnak, thangthatnak, hmuhteihnak, miaknak, eihmuarnak lam ruamro lawng an kawl.
Hruaitu nih hawi hlan ah petu, atho tu, akal hmasa tu si an I zuam zungzal.	Hawi thawh, hawi pekmi an hngak hmasa, ahnu ah dirhmun hoih in ape mi an si.	An hruaimi hna pek le thawh kong an chim nain zeitik hmanh ah an mah cu pek le thawh an I tim lem loh.
Mipi caah an tuan, an pek, an retheihnak hi a zacang, atling cang timi lungput ngei loin mipi caah thihtiang pek le tuan duhnak an ngei.	An tuanmi rihma /tahfung( score) an ngei. Hi vialte ka tuah, ka pek, ka rethei cang, hi pin cu kai siang ti loh, aza cang timi limit ( Rihma) an ngei.	Ahruaimi hna sin in amah pumpak hmuhnak caah, atihal ariam kho bal lomi an si.Amah hmuhnak ding ah cun athih tiang , atechin fapar ca tiang in lam akawl.
A hruaimi hna nih teinak, minthatnak, thangthatnak, upatnak, hlawknak, miaknak hmu hna seh! Kei mah nak in athadeuh mi ah I chuah hna seh ti an duh.	Teinak hi kan zapi in kan hmuh awk asi, an mah zong hmu hna seh, kei mah zong ka hmuh ve awk asi.Kei mah ruang ah asi timi lungput ( credit) hmuh aduh zungzal.	Ka hruaimi hna nih an ka tei sual lai, ka nak in an thadeuh, an ngandeuh, an sang deuh , an thiam deuh sual lai ti aphang. Mi nih hruaimi si aduh loh, amah lawnglawng nih hruaitu si aduh. Cucaah zapi caah lam a kham hna.
Midang thawnnak, thilti khawhnak, an dirhmun te, an santleihnak te kha hmuh piak, hmanthiam, cawisan, upat pek thiam kha ai zungzal.	Midang chiatnak zong ahmuh, midang thatnak zong ahmuh, amah santleih lonak bel ai hmu loh.	Midang chambaunak, santleih lonak, dernak, tlamtlin lonak lawng kha a hmuh piak hna, mi thatnak le santleihnak ahmu duh loh.