Nangmahh kong lam tawinak in na kan chim kho hnga maw?
Stella: Keimah min cu Stella Par a si. Kapa cu Tin Cung Nung (Salen) le kanu cu Siang Tlem (Salen) an si. Unau pathum lakah upa bik kan si. Tukum cacawn thok in tang 10 ka kai lai. 2010 ah USA kan rak phan.
Laica thiam hi Laimi caah zeitluk in dah a biapi tiah na ruah? Zeitluk in dah Laica na thiam?
Stella: Laimi kan si ruang hrimhrim ahhin keimah tthi le ka nau deuh pawl caah hin Laiholh thiam hi a biapi bak ko. Kan nunphung le kan zatlang nun zongah a kan bawmtu ding a si lai. Laica cu kei tawk te cun kai thiam ngai tiah kai ruah. Ttha tein ka rel thiam cun a ttial zong ka thiam ko. USA asiloah ramthumnak ii a ummi kanmah tthi lak ahhin cun a thiam pawl ka si ko lai tiah ka ruah. Nain cawn chap ding le thiam chap ding cu a tampi rih ko.
Laica na thiam khawh nakding caah zei nih dah an bawmh cem tiah na ruah?
Stella: Kanu hi Laica ka thiam khawhnak dingah a ka bawmtu bik a si. Ka hngakchiat lio tein a relning le a ttialning tepawl a ka chimh tawn. Cun High School Ministry kan cawnmi zong nih tam ngai a ka bawmh ngai; a hlei in grammar lei hi a ka bawmh khun.
Nan innchungkhar ah zei holh dah nan hman? Stella: Kanu le kapa chawnh nakah cun Laiholh si ko nain ka nuale he chawnhnak
Stella: Kanu le kapa chawnh nakah cun Laiholh si ko nain ka naule he chawnhnak ahcun mirang a tam deuh cun kan hman.
US ttangmi ngakchia le nulepa kan ipehtlaihnak a tthat deuhnak dingah fale dirhmun in nulepa nih fale cungah an tuah ding le a kan theithiam ding si ko tiah zei pawl dah na ruahmi an si?
Stella: Nulepa le tuchan fale hi kan chan sining (generation) ah kan tthanning ai dan ngai caah zeitluk in a kan chimh zongah kanmah nih kan hmuhtonmi a si lo tikah van theithiam a har ngai. Anmah sining lawngin tahchunhnak an chim tikah kanmah kan chan sining he zohtti tikah cun hlawknak a um tuk lo. Fale nih kan tuah ve dingmi cu kan nulepa cu mipen an si, USA thil sining a hngal lo an tam deuh caah kanmahh tu nih thil sining kha ttha tein kan chimh hna awk a si. Cun nulepa hi rian a ttuanmi an tampi caah fale caah can a pe thiam lomi an um tiah ka ruah. Biakinn lei hrimhrim ahhin tha rak kan pe hna she. Cun sining lei zong zeitluk in dah an marks a that ti tepawl zong rak kan zohpiak lenngmang hna sehhlaw a ttha.
Hmailei ah zei bantuk si dah na duhmi an si?
Stella: Sianginn lei hi cu ka faing deuh rih lo nain ka lung cun baibal sianginn lei a um pah ko. Mino ka luh tikah Church School sayamah si ka duh. Cun, ngakchia nih bochan khawhmi si ka duh.
High school ministry nai telhnak nih zei dah an bawmh?
Stella: Laica hi tampi a ka bawmh. Khamhnak kong zong fiang deuhin a ka fianter. High School Ministry ah aa tel rih lomi hna zong Laica le Pathian lei hrimhrim ah tthancho nan duh ahcun HSM ahhin rak itel ve dingin kan sawm hna.
Na caan na kan pek le kan ilawm tuk.
Stella: Keimah zong kai lawm ve.
Comments